7ª FASE: METODOLOXÍA

A metodoloxía que escollemos para este proxecto baséase nos seguintes principios:

• Partir do nivel de desenrolo dos alumnos.
• Potenciar as aprendizaxes significativas.
• Promover o traballo cooperativo.
• Atender as características e necesidades individuais dos alumnos.
• Xogo.

Nesta ocasión formamos parellas encargadas de investigar os 6 grandes bloques que queremos saber sobre os camaleóns:

Grupo 1: Leo e Antía J. investigan o comportamento.

Grupo 2: Carolina e Noa investigan as súas características máis peculiares.

Grupo 3: Ingrid e Angelo buscarán que comen.

Grupo 4: Icía e Victor encárganse de buscar onde viven.

Grupo 5: Javier e Nicolas traballan sobre as partes do seu corpo e do esqueleto.

Grupo 6: Antía F. e Aitor investigan como nacen. 

6ª FASE: PROGRAMACIÓN

Segundo os intereses dos nenos/as, o material recompilado e o que queremos aprender, agora tócalle a profe programar os obxectivos, contidos, actividades e criterios de avaliación. Aquí están:

OBXECTIVOS:   

• Coñecer o hábitat, a alimentación e o comportamento do camaleón.
• Coñecer a importancia da súa conservación. 
• Mostrar interesarse polas razón do cambio de cor destes animais. 
• Coñecer as características da lingua e dos ollos dos camaleóns. 
• Identificar as partes do corpo e do esqueleto dos camaleóns.
• Coñecer a razón polo que se lles chama “leóns de terra”. 
• Adquirir algunhas nocións espazo-temporais. 
• Fomentar a creatividade, imaxinación e diversión, a través de actividades plásticas sobre camaleóns. 
• Participar en actividades de expresión oral e escrita relacionadas co tema. 
• Resolver problemas matemáticos cotiáns e desenvolver conceptos básicos de numeración. 
• Adquirir habilidades para a búsqueda e tratamento da información na biblioteca, na rede e noutros medios.
• Aprender e valorar algunhas normas de convivencia. 
• Aprender e utilizar vocabulario relacionado cos camaleóns e descubrir a utilidade da lectura e escritura como medios de comunicación e expresión. 
• Valorar o traballo en pequenos grupos cara a consecución dun obxectivo común.

 CONTIDOS:

O camaleón e as súas características físicas.  Hábitat, alimentación e hábitos do camaleón.  Comportamento e especies máis comúns. Realización de murais e montaxes audiovisuais a partir da información recompilada.  Discriminación dos elementos que provocan o cambio de cor nos camaleóns.  Disfrute nas actividades grupais e individuais relacionadas co tema.  Participación en actividades e xogos simbólicos, orais e escritos.  Utilización do vocabulario adecuado relacionado cos camaleóns.  Elaboración da decoración do aula utilizando diferentes materiais e técnicas plásticas e creación dun recuncho sobre os camaleóns.  Reprodución e dramatización de cancións, poesías e adiviñas de camaleóns.  Utilización de diferentes formas de expresión (plástica, musical, escrita, dixitais) para a comunicación dos resultados da investigación e a realización de fichas.

ACTIVIDADES:

• Localizar as zonas onde viven os camaleóns. 
• Debuxar camaleóns. 
• Sinalar as características principais do camaleón: o cambio de cor, a lingua longa e os ollos. 
• Deseñar un libro coa información recompilada.
• Facer unha montaxe de vídeo coa información aprendida a partir de todo o aprendido.
• Disfrazámonos de camaleóns. 
• Escoitamos contos e cancións de camaleóns. 
• Decoración do aula utilizando diferentes materiais e técnicas plásticas. 
• Elaboración dun mural expositor e creación do Recuncho dos camaleóns. 
• Seleccionar e clasificar o material aportado pola familia. 
• Realizar fichas relacionadas co proxecto.  
• Analizar as súas características: como nacen, que comen, onde viven,...

CRITERIOS:

• Utiliza a expresión oral e escrita para participar en diálogos, crear textos, expresar sentimentos,… 
• Recoñece e entende as principais características, formas de comportamento, hábitat,… dos camaleóns.
• Participou na decoración da aula utilizando diferentes materiais e técnicas plásticas e na creación do recuncho dos camaleóns. 
• Mostra interese polo coñecemento de cancións, contos e adiviñas nos que aparecen camaleóns. 
• Utiliza as diferentes formas de expresión para a comunicación dos resultados da investigacións a realización de fichas. 
• Participaron as familias nas actividades propostas para o proxecto.

5º FASE: AMBIENTACIÓN

Pouco a pouco a nosa clase vai collendo cor. Con todo o material que imos traendo da casa e co que facemos no cole, ambientamos a nosa entrada e a clase. Todo isto dará paso á clasificación de material e a remcopilación de información.
Murais aportados polos alumnos/as:


A nosa porta: 


 Mural colectivo con materiais aportados polos nenos/as:

"XOGANDO COAS ESPIRAIS"

INSTRUMENETOS PARA INVESTIGAR O UNIVERSO: O TELESCOPIO

O PRIMEIRO SER VIVO QUE FOI AO ESPAZO FOI UNHA CADELA CHAMADA LAIKA ESTA É A SÚA HISTORIA.